Siglir tar il cuntegn

Header

cuntegn

Deducziuns d'uffants PS ha lantschà il referendum

Las votantas ed ils votants duain pudair decider a l’urna davart l’augment da las deducziuns da taglia per la tgira d’uffants. Tenor la partida socialdemocratica che ha lantschà il referendum oz, profiteschian da quels rabats da taglia mo famiglias ritgas, quai sin donn e cust da tut tschellas famiglias.

En la sessiun d'atun aveva il Parlament federal decidì d'augmentar las deducziuns maximalas per la tgira d'uffants externa – quai dad oz 10'100 sin 25'000 francs. La finamira da quella mesira fiss, che dapli dunnas cun uffants – surtut quellas cun in'auta qualificaziun – giessan vinavant a lavurar.

Cun questa decisiun avess la PS an pudì viver, hai gì num il glindesdi a la conferenza da medias a Berna. Ma ch'il parlament haja sin proposta da la PCD era augmentar las deducziuns generalas per uffants da 6'500 sin 10'000 francs na saja nagut auter ch'in regal da 350 milliuns francs ad onn a famiglias bainstantas. Bunamain la mesadad da las famiglias en Sviza na pajan numnadamain nagina taglia federala directa e possian perquai gnanc profitar da quest augment.

audio
Per tadlar curt e cumpact
ord Novitads dals 07.10.2019.
laschar ir. Durada: 58 Secundas.

RR novitads 18:00

Artitgels legids il pli savens