Datas dal Swisspass duain vegnir stizzadas

Il protectur da datas federal intervegn areguard il Swisspass: El pretenda da la SBB e da l'Associaziun per il traffic public da stizzar las datas che vegnan rimnadas cun las controlla da bigliets. Fin la fin da favrer spetga el ina resposta da las duas organisaziuns.

In conductur controllescha in Swisspass cun ses telefonin.

Legenda da maletgs: Controlla dal Swisspass: Las datas na duajan betg vegnir arcunadas, pretenda il protectur da datas. Keystone

Il protectur da las datas è sceptic pervi da la banca da datas da controlla. En questa vegn registrà tar mintga controlla l'ura, il numer dal tren u il curs, sco era il numer dal Swisspass. Las datas vegnan arcunadas per 90 dis.

Tenor il protectur da datas na saja betg en relaziun ed haja er nagina basa legala suffizienta. Perquai propona el da suspender la banca da datas immediat.

La SBB e da l'Associaziun per il traffic public argumenteschan, che la banca da datas da controlla existia per pudair respunder ad eventualas dumondas da clients suenter in viadi.

RR novitads 12:00