Siglir tar il cuntegn

Header

Computer cun datas.
Legenda: Datas da telefon dattan infumraziuns davart tgi che ha telefonà quant ditg cun insatgi. Keystone
cuntegn

Svizra Datas da telefon duain vinavant vegnir stizzadas suenter 6 mais

Las autoritads da la persecuziun penala ston vinavant stizzar datas da telefons u communicaziun en l’internet suenter 6 mais e betg pir suenter 1 onn.

En la debatta davart la revisiun da la lescha per la surveglianza dal traffic da posta e communicaziun è il Cussegl naziunal suandà la tenuta dal Cussegl dals chantuns. Il Cussegl federal leva augmentar quest temp sin 6 mais.

Chombra pitschna sto danovmain tractar la fatschenta

Betg unidas èn las duas chombras però vinavant quai che pertutga nua che las datas duain vegnir magasinadas. Il Cussegl naziunal pretenda auter ch’il Cussegl dals chantuns, che las datas d’utilisader ston vegnir arcunadas en Svizra. La fatschenta va cunquai puspè enavos en la chombra pitschna.

Cun la revisiun da la lescha vul il Cussegl federal surtut stgaffir ina basa per la surveglianza da communicaziun codada.

RR novitads 11:00