Siglir tar il cuntegn
cuntegn

Svizra Datas da parlamentaris en ils mauns da hackers

Tar l'attatga da cyber sin il concern d'armaziun RUAG han ils hackers probabel er survegnì datas da persunal dals passa 30’000 collavuraturs da la confederaziun sco er dals parlamentaris.

Maun che mussa sin datas da computer.
Legenda: La RUAG rimna da nov las datas dals collavuraturs da la confederaziun. Keystone

Sco quai che la «SonntagsZeitung» rapporta rimnia la RUAG numnadamain da nov questas datas. L'onn 2015 haja l'Uffizi federal d'informatica e telecommunicaziun surdà las datas a la RUAG. Davart la raschun per questa surdada da las datas tascha l'Uffizi federal d'informatica però. Il transfer da quellas n'haja nagin connex cun l'attatga. I vegn supponì che hackers russ hajan spiunà ora sur mais il concern d'armaziun RUAG.

Er la «NZZ am Sonntag» rapporta dal cas. Tenor la gasetta hajan funtaunas bain infurmadas tradì ch'ils hackers hajan clamà giu tut las persunalias dals commembers dal detaschament da scleriment 10 da l'armada. Questa truppa professiunala è spezialisada sin servetschs ristgus en l'exteriur.

RR novitads 08:00