Il mument na dastgan purs cun ina tratga da vatgas-mamma betg construir lur chasa dasper la stalla ordaifer il vitg. Ma era quests purs duessan avair questa pussaivladad d’abitar datiers da lur animals. Era da la lescha anora sajan ils purs obligads da pudair controllar lur animals.
Cussegl federal cunter moziun
Il Cussegl federal è cunter la moziun. Dapli bajetgs ordaifer las zonas da constricziun na sajan betg giavischadas, ha argumentà la cussegliera federala Doris Leuthard. La moziun va uss en il Cussegl dals chantuns.
RR novitads 17:00