La societad aviatica Darwin na po betg pli sgular. L'uffizi federal d'aviatica civila ha retratg per immediat la licenza da sgular a la societad tessinaisa. Quai pervi da lur schleta situaziun economica. Il glindesdi aveva la societad dumandà a Lugano il moratori pervi da problems finanzials. La societad ha argumentà quest pass cun la ferma situaziun da concurrenza suenter il concurs da la Air Berlin. I na saja betg pli stà pussaivel da realisar novas entradas. Tenor atgnas indicaziuns avess la societad dentant anc vulì manar tras ils sgols planisads fin la fin da l'onn.
La societad da sgular Darwin è vegnida fundada l'onn 2003 sin iniziativa da interprendiders dal Tessin. Finamira da la societad era da colliar il Tessin e sia economia cun ils centers da finanza ed il eroports da Turitg e Genevra.
RR novitads 14:00