Siglir tar il cuntegn

Header

Citad Genevra.
Legenda: Il turissem da citads en Svizra è s'augmentà: Apprezià tar turists vegn la citad Genevra (maletg d'archiv). Keystone
cuntegn

Dapli turists il 2018 Citads svizras han nudà in augment da 5,6%

Il turissem da citads en Svizra è danovamain s’augmentà il 2018. Quai mussa ina rangaziun da l'Institut da perscrutaziun da la conjunctura BAK Economics. L’onn passà han las citads Svizras registrà in augment da 5,6%, gia il 2017 era la dumonda creschida per 7,1%. Quai è tant sco dapi la crisa finanziala il 2008 betg pli.

Genevra 9 – Turitg 11

Tar la rangaziun da differentas citads europeicas vegn Genevra sco meglra citad da la Svizra sin plaz 9, segund meglra citad da la Svizra è Turitg sin plaz 11. Las citads Berna, Losanna e Basilea èn vegnidas sin ils davos plazs da la rangaziun.

Genevra ha nudà in'occupaziun sur la media. Dentant ha la citad il davos onn gì il pli debel svilup pertutgant il dumber da pernottaziuns da tut las 15 citads observadas. Turitg, sco segund meglra citad en Svizra, ha gì ina buna occuapziun da las capacitads.

Barcelona davant

A la testa èn Barcelona, Firenze, Prag, Verona e Minca. Cunquai che quellas citads han pudì expander ferm ils onns 2015 e 2016, han las citads en Svizra pers parts dal martgà. Quai oravant tut pervi dal ferm franc svizzer.

Ord l'archiv

Video
Tema dal sur-turissem
Or da Nouvo RTR dals 22.09.2018.
laschar ir

RR novitads 12:00