Siglir tar il cuntegn

Header

Navigaziun

Persunas en ina chombra d'ospital a Genevra.
Legenda: La cumissiun da sanadad dal Cussegl dals chantuns vul dapli transparenza. Keystone
cuntegn

Svizra Dapli transparenza tar la finanziaziun d’ospitals

Il Cussegl federal sto intercurir, tgenins chantuns ch'han subvenziunà lur ospitals ils davos onns sur la mesira legala previsa. Quai pretenda uss il parlament.

Il Cussegl dals chantuns ha acceptà la moziun da la cumissiun da sanadad quai sulet cun ina vusch differenza. Il Cussegl naziunal aveva fatg midadas minimas vid il text da moziun uschia che l’analisa duai vegnir realisada anc durant l’analisa actuala da la lescha da las cassas da malsauns.

Dapli transparenza

La cumissiun vul en emprima lingia dapli transparenza. Quella duess gia valair dapi la nova finanziaziun d’ospitals 2012. L’Uffizi federal per sanadad aveva dentant constatà l’onn passà che las datas na possian betg vegnir congualadas quai che concerna las purschidas d’utilitad publica. Uschia na possian quai betg vegnir exclus che la finanziaziun nova dals ospitals promovia la subvenziun a moda sfalsifitgada. Uss dovra quai transparenza per che las purschidas possian vegnir purtadas sco giavischadas, ha ditg il president da la cumissiun da sanadad dal Cussegl dals chantuns Hans Stöckli (PS/BE).

RR novitads 12:00