Siglir tar il cuntegn
Inhalt

Svizra Dapli traffic sin ils binaris

Il traffic da rauba sin via sa diminuescha ed il traffic sin ils binaris crescha. Quai mussa in rapport che il cussegl federal ha oz deliberà. Il traffic sin las vias haja pudì vegnir reduci per 5,6% ed il traffic sin ils binaris saja s'augmentà per bundant 19%.

Il traffic da raubas sa spusta adina pli fitg sin ils binaris.
Legenda: Il traffic da raubas sa spusta adina pli fitg sin ils binaris. Keystone

Il traffic sin ils binaris ha cuntanschì il 2016 in nov record: 71% dal traffic da raubas saja vegni transportà sin ils binaris congualà cun il traffic sin las vias. Il rapport mussa però che la finamira per l'onn 2018 na saja betg cuntanschida.

La finamira dal Cussegl federal fiss da reducir il traffic sin las vias tras las alps fin l'onn 2018 sin 650'000 viadis. Entant sa haja pudì reducir il traffic sin 975'000 viadis ad onn. Quai mussa il rapport che analisescha la perioda da fanadur 2015 enfin il zercladur 2017.

A l’iniziativa da las alps na basta quai betg. Els supplitgeschan dal Cussegl federal da rinforzar las mesiras per pudair spustar il traffic da las vias sin ils binaris per cuntanscher las finamiras per il 2018.

RR novitads 12:00