Siglir tar il cuntegn

Svizra Dapli svieuta per Logitech

Per l'entir onn da gestiun ha Logitech pudì augmentar las entradas per 16%. Il gudogn è percunter creschì mo per 1,3%.

Il logo da logitech vi d'ina chasa da fatschenta.
Legenda: Il producent d'urden da computers svizzer po augmentar la svieuta. Keystone

Il producent d'urden da computers Logitech annunzia in ferm augment da sia svieuta per l'onn da fatschenta 2017/18. La svieuta è creschida per 16% sin passa 2,5 milliardas francs – cumpareglià cun l'onn da fatschenta avant. Il gudogn net percunter è sulet s'augmentà per 1,3% – sin 208 milliuns francs. La raschun principala sajan effects fiscals, scriva il producent d'urden da computers svizzer. L'interpresa accentuescha en il rapport dentant er il svilup positiv en ils secturs gaming e video.

Per l'onn da fatschenta actual quinta Logitech da pudair augmentar la svieuta per fin a 10%. Il gudogn operativ duai muntar tranter 310 e 320 milliuns dollars. En l'onn da gestiun passà ha l'interpresa cuntanschì in gudogn operativ da 286,7 milliuns dollars.

RR novitads 06:00