Siglir tar il cuntegn
Inhalt

Svizra Dapli svieuta per ils casinos svizzers

L’onn passà han ils casinos svizzers fatg ina svieuta d’en tut radund 690 milliuns francs. Quai correspundia ad in plus da 1,2%, scriva la Federaziun dals 21 casinos svizzer. En tut han ils casinos paja taxas da l’AVS ed als chantuns 323 milliuns francs.

Ils casinos en Svizra han pudì nudar ina svieuta da 690 milliuns francs.
Legenda: Ils casinos en Svizra han pudì nudar ina svieuta da 690 milliuns francs. Keystone

Las cifras sajan cunquai sa stabilisadas suenter ch’ellas eran idas enavos cuntinuadamain ils onns passads, scriva la Federaziun dals casinos svizzers. Ils casinos svizzers han da cumbatter cun la concurrenza en l’exteriur e blers clients van pli e pli en l’exteriur a giugar.

Plinavant attiran purschidas illegalas u purschidas en l’internet ils clients. Uschia taxescha la federaziun la summa dals daners che van en l’exteriur tar 250 milliuns francs. In clubs illegals vegnan fatg svieutas da cunter 150 milliuns francs, scriva la Federaziun dals casinos svizzers.

RR novitads 12:00