Il producent d'ascensurs e stgalas rullantas Schindler crescha vinavant. L’emprima mesadad da quest onn ha il concern svizzer pudì augmentar tant la svieuta sco er il gudogn. Sut il stritg ha Schindler fatg in gudogn da 372 milliuns francs. Quai èn 3,9% dapli ch’anc l’emprima mesadad dal 2015.
Tar la svieuta muntia l'augment a 3,4% sin 4,6 milliardas francs. Quai ha communitgà il producent d’ascensurs e stgalas rullantas cun sedia ad Ebikon en il chantun Lucerna. Las entradas d’incumbensa en s’augmentadas per 2,1% sin 5,083 milliardas francs – e quai malgrà ch’il martgà en general nodia damain entradas.
RR novitads 08:00