Siglir tar il cuntegn

Svizra Dapli svieuta e gudogn per Georg Fischer

L'emprima mesadad dal 2017 è la svieuta dal concern d'industria svizzer s'augmentada per 7% sin 1,99 milliardas francs. Il gudogn è s'augmentà per 12% sin 122 milliuns francs.

Logo d'interpresa.
Legenda: Il concern d'industria ha fatg dapli gudogn e svieuta l'emprima mesadad da l'onn current. Keystone

La strategia dal concern d'industria svizzer Georg Fischer da sa concentrar sin products cun bunas marschas ha purtà fritg ils davos sis mais. Tant la svieuta sco er il gudogn èn s'augmentads cumpareglià cun la medema perioda da l'onn passà. Quai ha communitgà il concern d’industria svizzer.

D’attribuir saja quest svilup en emprima lingia a la producziun da conducts. Cunzunt las fatschentas en l'Asia ed en l'America dal Nord hajan persvadì l'emprim mez onn dal 2017.

Prognosa per il 2017

Las prognosas per l'entir onn 2017 èn tenor il concern optimisticas. Georg Fischer quinta cun ina svieuta pli auta che spetgà. Vinavant quinta il concern er d'augmentar la profitabilitad. Tenor sia «strategia 2020» vul Georg Fischer augmentar la svieuta per 3% fin 5% ad onn.

RR novitads 09:00