Siglir tar il cuntegn
Inhalt

Svizra Dapli suttascripziuns per iniziativas

La fundaziun liberala Avenir Suisse propona da refurmar l’iniziativa dal pievel e propona d’auzar il dumber da suttascripziuns necessarias.

Brev per votar vegn mess en stgatla
Legenda: I duai duvrar 4% da la populaziun per in’iniziativa. Keystone

Enstagl da 100’000 suttascripziuns duajan esser necessarias 210’000 suttascripziuns. Quai fissan 4% da la populaziun cun dretg da vuschar scriva Avenir Suisse.

Rinforzar effect da l’iniziativa

Il motiv principal per questa midada saja il fatg che da 10 iniziativas approvadas dapi il 2002 sajan naginas realisadas sco quai ch’ils iniziants vulevan. Cun auzar il dumber possian ins rinforzar l’effect d’iniziativas dal pievel. Ins na vegnia betg limitar la democrazia directa ha declerà Gerhard Schwarz, il directur d’Avenir Suisse, mo l’iniziativa na saja betg pli quai ch’ella era ina giada. Il dumber da suttascripziuns na saja dapi l’introducziun dal dretg da vuschar per dunnas betg vegnì adattà.

RR novitads 14:00