Il servetsch social da l'armada svizra ha sustegnì l'onn passà schuldads e pazients militars cun totalmain CHF 1,75 milliuns – quai èn CHF 220'000 dapli che l'onn avant.
L'augment saja da declerar en spezial cun dapli persunas che han cumenzà l'onn passà la recruta, uschia communitgescha il departament federal da defensiun. En total ha il servetsch ellavurà 1'800 dossiers. El gida a schuldads che vegnan pervi dal servetsch militar en difficultads persunalas, famigliaras u professiunalas.
RR novitads 16:00