La Procura publica federala maina il mument bun 60 proceduras cunter dschihadists supponids en Svizra. Quai è bunamain il dubel dal november passà. Lura aveva il schef da la Procura publica Michael Lauber discurrì da 33 proceduras.
Ils blers cas pertutgian propaganda e sustegn d'organisaziuns da terror sco il «Stadi islamic» u «Al-Kaida». Quai ha Lauber ditg en in'intervista cun la gasetta «Tages-Anzeiger».
In cas sumegliant grev sco quel dals umens iracais ch'èn vegnids sentenziads da curt na dettia dentant betg il mument.
RR novitads 06:00