Siglir tar il cuntegn

Header

cuntegn

Svizra Dapli plazzas libras en Svizra

La tendenza positiva tar las offertas da plazzas en Svizra cuntinuescha. Tranter mez mars e mez avrigl è il dumber da las publicaziuns per plazzas libras creschì en Svizra per 4,3%.

Ma ì dat grondas differenzas regiunalas. En la Svizra tudestga munta il plus a 5,3% en la Svizra franzosa èn las offertas da plazzas sa sminuidas per 2,3%.

Ils augments mensils muntavan dal schaner fin l’avrigl 2016 tar 3,9%. Il 2015 muntavan quels anc tar 0,7%, quai mussa l’index da Swiss Job dal intermediatur da persunal Michael Page.

La Svizra orientala cun bleras plazzas libras

Il pli grond augment noda la Svizra orientala (+11,2%), suonda da al Svizra dal nordvest (+8,2%) e da la Svizra centrala (+6,4%). En questas regiuns sajan cunzunt plazzas libras en segments da la logistica, dal commerzi a l’engrossa, en la sparta da farma e chemia spezialisada, scriva il studi. En la Svizra Bassa (BE, FR, JU, NE, SO) muntava l’augment tar 3,9%. En il chantun Turitg eran 1,1% da plazzas inseradas. En la regiun dal lai da Genevra èn las plazzas scrittas ora sa sminuidas per 2,1%.

Las bleras persunas vegnan tschertgadas en la branscha da nutriment (+14%) en cussegliaziuns giuridicas e d’interpresas (+6,1%) sco er en l’architectura e la planisaziun (+5,0%). Propi tschertgads èn il mument experts da finanzas (+11,6%), experts en la branscha da construcziun (+10,6%) e spezialists da telecommunicaziun (+9,6%).

L’index dal intermediatur da persunal mesira las cifras da las plazzas inseradas sin paginas d’interpresas en Svizra.

RR novitads 12:00

Artitgels legids il pli savens