Siglir tar il cuntegn
Inhalt

Svizra Dapli persunas senza lavur pajada

Il dumber da persunas senza lavur pajada en Svizra è creschì marcantamain l'emprim quartal da quest onn.

dunna che pren in formular d'annuzia dal RAV ord curuna
Legenda: A la tschertga d'ina plazza pajada - La quota da persunas senza lavur pajada è uschè auta sco dapi 6 onns betg pli. Keystone

Tenor l'Uffizi federal da statistica è la quota creschida en cumparegliaziun cun il medem quartal dal 2015 da 4,4% sin 5%. Quai è il pli aut dumber dapi sis onns.

Uschia perda la Svizra la plazza trais en la glista dals pajais che publitgeschan las cifras da quartal en l’Europa, da nov è la Svizra sin plazza 5. Las pli paucas persunas senza lavur pajada han tenor la glista uffiziala dals stadis da l’UE e da l'EFTA, l’Islanda cun 3,2%, la Germania e la Tschechia cun 4,4% e la Malta cun 4,9%. Il pli aut dumber da persunas senza lavur pajada ha la Grezia cun bun 25%.

RR novitads 12:00