Siglir tar il cuntegn
Inhalt

Svizra Dapli persunas han lavurà damain

L'occupaziun è bain creschida en Svizra - calculà las plazzas parzialas sin plazzas cumplainas va'la però enavos.

um che legia inserats da plazzas
Legenda: Surtut il dumber da plazzas parzialas è creschì. Keystone

en Svizra continuescha l'augment da l'occupaziun. Il dumber da plazzas è creschì il segund quartal, tranter questas sajan bleras plazzas parzialas. Quintà la statistica en plazzas entiras è il svilup però negativ.

Dumber da plazzas crescha, il pensum va però enavos

En cifras è il dumber da plazzas creschì per 0,6%, cumpareglià cun il quartal avant. En plazzas cumplainas resulta però in lev minus da 0,1%. Quai munta ch'il dumber da persunas che lavuran è creschì, e ch'il pensum da lavur è sa reducì.

Augment tar servetschs, digren tar industria

Sco quai ch'il barometer d'occupaziun da l'Uffizi federal da statistica mussa, profiteschan surtut regiuns grondas en Svizra da questas plazzas novas – en spezial èsi il Tessin. Quai però surtut en il sectur da prestaziuns da servetsch. En l'industria è il svilup negativ, surtut en las regiuns 'Espace Mittelland', en la Svizra dal nordvest, en il Tessin ed en la regiun enturn Turitg.

RR novitads 11:00