Siglir tar il cuntegn
cuntegn

Svizra Dapli passaschiers e sgols, damain rauba

Sco quai che la societad aviatica «Swiss» communitgescha, ha ella transportà ils emprims 9 mais da quest onn 12,5 milliuns passagiers. Quai è 1,2% dapli che l'onn avant.

cua da l'aviun giun terra
Legenda: Las fatschentas tar la «Swiss» èn in pau maschadadas. Keystone

Malgrà il plus tar ils passagiers èn ils aviuns da la «Swiss» stads occupads lev damain. La protesta dal biro da viadi «Hotelplan», da betg sgular cun la «Swiss» pervia da la taxa da cudeschaziun, n'ha gì nagin effect sin il dumber da passagiers ch'èn sgulads cun la «Swiss».

Minus d'occupaziun surtut tar transport da rauba

12'465'048 passagiers èn sgulads cun la societad aviatica svizra, ch'è ina figlia da la Lufthansa tudestga; quai dal schaner fin il settember 2015. Sper quai è era il dumber dals sgols creschì per 0,3% sin 110'027. Ils sgols èn però stads occupads levet mender cun in minus da 0,1% tar ils passagiers - però cun in minus da 3,7% tar la rauba.

RR novitads 16:00