Siglir tar il cuntegn

Header

cuntegn

Svizra Dapli passagiers cun pli pauc sgols per la Swiss

En l'emprim quartal ha la societad aviatica Swiss transportà 3,66 milliuns passagiers. Quai è in plus da 4,7%. Il dumber dals sgols è dentant sa sminuì per 3% sin 33'197.

L'utilisaziun dals sgols da la Swiss è stada da schaner enfin mars tar 77,6%. Uschia èn 1,7% dapli sez stads occupads che durant la medema perioda dal 2016. L'entira Lufthansa ha gì en tut 25,2 milliuns giasts ch'èn sgulads, quai èn 13% dapli che l'onn avant.

Grazia als buns dumbers da cudischaziuns na crodan ils pretschs per bigliets betg, per l'emprima giada dapi trais onns e mez. La buna dumanda per sgols, procuria per in meglier conturn per ils pretschs da bigliets. Quai è l'emprima giada dapi il 2013 che la Lufthansa rapporta d'entradas da bigliets che sajan creschidas.

RR novitads 17:00

Artitgels legids il pli savens