Siglir tar il cuntegn

Svizra Dapli paja per tgira intensiva

Il persunal da tgira als ospitals svizzers po festivar in success: A partir da l'onn che vegn duain ils ospitals numnadamain survegnir dapli daners sche pazients dovran ordvart bler tgira. Quai mussan retschertgas da radio SRF.

Ina tgirunza fixescha il pé d'in pazient en l'ospital a Glion
Legenda: Dapli paja per tgira intensiva Keystone

Tranter 1600 e 2500 francs dapli che oz duai dar sche la tgira da pazients en ospitals pretenda in engaschi extraordinari. Quai ha decis il cussegl d'administraziun da la Swiss DRG ch'è responsabla per las tariffas als ospitals. Malgrà quest auzament na duain las taxas ubain las premias betg s'augmentar. La Swiss DRG sa cumpona da represchentants da chantuns, cassas da malsauns, ospitals e medis.

RR novitads 10:00