Siglir tar il cuntegn

Header

Navigaziun

Ina staziun che mesira la polluziun da l'aria a Genevra.
Legenda: Ina staziun che mesira la polluziun da l'aria a Genevra. Keystone
cuntegn

Svizra Dapli mesiras per megliurar qualitad d’aria

La qualitad d’aria è sa megliurada dapi il 2000. Ma tuttina vegnan pliras limitas da polluziun surpassadas regularmain. Uschia èn las limitas per particlas finas ni per oxid da nitrogen sco er per ozon vegnidas surpassadas en plirs lieus en Svizra il 2015. Quai scriva la «Lia pulmunara Svizra».

La contaminaziun da l’aria il 2015 è sumeglianta als onns passads. Quai mussa in rapport da la rait d’observaziun naziunala per la polluziun da l’aria. Sco la Lia pulmunara svizra scriva èn ils ultims 30 onns vegnidas fatgas gronds progress ma tuttina surpassan pliras contaminaziuns sco per particlas finas, per oxid nitrogen e ozon las limitas legalas.

La politica sto rinforzas las mesiras

La Lia pulmunara svizra vul far attent la populaziun cun projects per sensibilisar dad esser attent sin la polluziun da l’aria. Era stoppia la politica uss agir e garantir che las limitas vegnian resguardadas ed era rinforzar las limitas per l’industria, scriva la Lia pulmunara svizra.

Era WTO avertescha da la polluziun d’aria

Passa 90% da tuts ils carstgauns sin terra pateschan da la polluziun da l'aria, quai tenor in nov studi da l'organisaziun mundiala da sanadad WHO. Mintg'onn moran passa 6 milliuns persunas en consequenza da l'aria tschuffa declera la WHO. Spezialmain grond saja il problem da la polluziun en metropolas grondas, ma era en territoris champesters. Tenor la directura da la WHO, Maria Neira, saja il dumber fitg inquietants. I sa tractia d'ina situaziun d'urgenza da sanadad, ha ditg Neira.

RR novitads 12:00