Siglir tar il cuntegn

Svizra Dapli lufs che spetgà

Il chantun Vallais ha registrà l'onn passà set lufs. Trais da quels n'eran fin uss anc betg enconuschents.

In luf.
Legenda: En il Vallais datti para dapli lufs che spetgà (maletg simbolic). Keystone

Cunter la fin da l'onn haja dà intgins inscunters directs cun lufs en il Goms. Quai scriva l'uffizi da chatscha vallesan. En tut ha l'uffizi da chatscha dal Vallais registrà ed indemnisà l'onn 2017 61 donns vi d'animals da niz. Quai èn damain che l'onn precedent. Auters animals selvadis sa deportian auter e sa tegnian si en auters lieus, han constatà guardiaselvaschinas dal conturn.

Pèr da lufs en Vallais Central

Sin basa da fastizs ed observaziuns da guardiaselvaschinas quinta l'uffizi ch'i dettia en il Vallais Central almain in pèr da lufs. Perquai suppona l'uffizi ch'i vegnia a dar quest onn in u l'auter luf pitschen en il chantun.

RR novitads 11:00