Siglir tar il cuntegn
Inhalt

Svizra Dapli letgs da tgira vids

Malgrà ch'il dumber da persunas sur 80 crescha fermamain en Svizra, èn ils letgs en chasas da tgira stads pli savens vids ils davos onns. A questa conclusiun vegn in studi da la Credit Suisse.

Purtret d'ina dunna che vegn sustegnida d'in tgirader durant ir a pe.
Legenda: Il basegn per letgs da tgira va il mument enavos. A lunga vista vegn il basegn dentant puspè a crescher. Keystone

L'occupaziun dals letgs a lunga vista è sa sbassada dal 2012 fin il 2016, da 96% sin 94%. En singulas regiuns schizunt sin sut 90%. La raschun persuenter è ina midada da structura en la tgira d'attempads. Uschia vegn augmentada en plirs chantuns la purschida ambulanta.

A lunga vista basegn da letgs

A lunga vista duess il basegn per letgs da tgira dentant puspè crescher. Oz datti en Svizra passa 430'000 persunas sur 80 onns, il 2040 duess quest dumber crescher enfin sin 870'000 persunas. Uschia duess il dumber da persunas che basegnan tgira crescher per radund 60%. Quai malgrà ina moda da viver pli sauna.

RR novitads 11:00