Siglir tar il cuntegn

Header

Navigaziun

Ina tabla cun scrit si cumissiun da concurrenza CUMCO
Legenda: La cumissiun da concurrenza CUMCO è ina instituziun publica. Keystone
cuntegn

Svizra Dapli independenza per autoritads da surveglianza

En Svizra duain autoritads da surveglianza, sco la cumissiun da concurrenza u l'institut per medicaments, daventar pli independentas, quai pretenda la cumissiun da gestiun dal Cussegl dals chantuns. Ord lur vista èn las reglas vertentas manglusas.

En in rapport al Cussegl federal recumonda la cumissiun perquai da prender mesiras per rinforzar l'independenza da tals gremis. La raschun per questas examinaziuns èn rapports da medias davart conflicts d'interess. Uschia è per exempel l'ENSI, l'inspecturat federal per la segirezza nuclera, vegnì ciritgà da star memia datiers a l'industria d'atom.

Sco la cumissiun scriva è il mument l'independenza da las instituziuns per part reglada manglus. Per singulas instituziuns mancan las disposiziuns giuridicas, scriva la cumissiun dal Cussegl dals chantuns.

Uss po il Cussegl federal prender posiziun en chaussa enfin ils 15 da schaner 2016.

RR novitads 11:00