Siglir tar il cuntegn

Svizra Dapli gudogn per Swisscom e damain per Nestlé l'emprim mez onn

Sco quai che la Swisscom scriva en ina communicaziun, saja il gudogn net s'augmentà per 0,5% sin 790 milliuns francs. La creschientscha organica da Nestlé munta a 3,5% Quai è in pertschient pli pauc che l'emprim mez onn dal 2015.

Logos da Swisscom e Nestlé
Legenda: Dapli gudogn en l'empirm mez onn per Swisscom e damain per Nestlé cumpareglià cun il 2015. Keystone

Ils experts avevan prognostitgà ina creschientscha da 3,8% per Nestlé. Motiv per la pli pitschna creschientscha è tranter auter il martgà da la China nua che la vendita stagnescha. Sut il stritg resulta dentant tuttina in gudogn da radund 4 milliardas francs. La svieuta da Nestlé munta a 43 milliardas francs.

Svieuta constanta tar la Swisscom

La Svieuta dal concern da telecommunicaziun è restada pli u main constanta tar 5,7 milliardas francs. Contribuì al gudogn da la Swisscom ha la firma affiliada taliana Fastweb che ha gudagnà in process cunter Telecom Italia. Quai haja purtà entradas supplementaras da 55 milliuns francs.

RR novitads 08:00