Siglir tar il cuntegn

Header

cuntegn

Svizra Dapli giasts sin las pistas

Quest enviern han las pendicularas dal Grischun gì 5,4 pertschient dapli giasts che la stagiun da l’onn passà. Cumpareglià cun ils ultims tschintg onns è il dumber però ì enavos per 1,1 pertschient.

Sch’ins prenda tut la Svizra, han ils territoris da skis registrà l'enviern passà 6,9 pertschient dapli giasts che l'onn avant. Quai mussa la bilantscha provisorica da la stagiun da las Pendicularas Svizras SBS. Cumpareglià cun ils ultims tschintg onns è il dumber da giasts creschì per 1,3%.

Cunquai ch’ils resultats da las stagiuns d’enviern passadas èn stads fitg nauschs, na dastga ins betg survalitar il plus lev, scrivan las Pendicularas Svizras. Ins stoppia spetgar giu ils proxims dus fin trais onns per vesair sch'i dat puspè in trend positiv en la branscha.

Stagiun anc betg a fin

Plirs territoris da skis èn anc averts, intgins dad els fin il matg. Ina valitaziun definitiva da la stagiun n’è damai anc betg pussaivla.

RR novitads 12:00

Artitgels legids il pli savens