La raschun principala per l'augment sajan surtut ils pretschs pli auts per la charn da portgs ma era la buna racolta da vin. Quellas hajan fatg bun las nauschas racoltas da plantas e la situaziun difficila sin il martgà da latg, communitgescha il center da cumpetenza per l’agricultura da la Confederaziun Agroscope. Las expensas per manaschi èn creschidas per 1,1% sin 253’200 francs.
Entradas per manaschi d’en media 318’000 francs
Il gudogn dals manaschis purils è creschì en media per prest 2% sin radund 318’000 francs, quai inclusiv ils pajaments directs da la Confederaziun. Ils lavurers sin ils manaschis purils han en media gudagnà tranter 36’000 francs en regiuns muntagnardas e 60’000 francs en la Bassa.
Quest onn vegn probabel producì dapli
Ils manaschis purils svizzers vegnan probabel a producir dapli quest onn. L'uffizi federal per statistica parta dal fatg, che la producziun totala vegn ad esser enturn 10,3 milliardas francs, quai fiss in plus da 0,6% cumpareglià cun l'onn avant.
Tar la cultivaziun da plantas è la bilantscha però maschadada: plantas da puma ed ivas han patì da la schelira la primavaira. Meglier vesa quai ora tar la cultivaziun dals ers, qua è la racolta stada buna. Tar la tratga d'animals vegn fatg quint cun cifras sco l'onn passà.
RR novitads 12:00