Siglir tar il cuntegn
Inhalt

Svizra Dapli entradas da premias per Vaudoise

L'assicuranza svizra ha nudà l'onn passà entradas da premias da passa ina milliarda francs. Tuttina è il gudogn sa reducì in zic.

Logo d'assicuranza.
Legenda: L'assicuranza po guardar enavos sin in onn da fatschenta legraivel. Keystone

Il gudogn da l'assicuranza Vaudoise è sa reducì da 124,8 milliuns francs sin 120,7 milliuns francs. Percunter èn las entradas da premias s'augmentadas levamain sin 1,08 milliardas francs. Sco quai che Vaudoise communitgescha, è l'augment da premias d'attribuir a la fatschenta cun segiradas da vita. En quest sectur è il volumen da premias s'augmentà per 1,7% sin 205,1 milliuns francs.

Tar las segiradas da betg-vita (Non-Life-Insurance) èn las entradas da premias sa reducidas levamain per 0,9 milliuns francs sin 875,3 milliuns francs. Questa reducziun saja d'attribuir a la reducziun d'assicuranzas da persunas vulida, scriva la Vaudoise.

Prognosas per il 2018

L'assicuranza saja fitg cuntenta cun l'onn da fatschenta 2017. Er las prognosas per l'onn current sajan positivas, hai num en la communicaziun. La direcziun quintia cun in augment en il sectur da betg-vita. Las sfidas en il sectur da segiradas da vita sajan dentant vinavant grondas.

RR novitads 08:00