Siglir tar il cuntegn
Inhalt

Svizra Dapli effizienza d'energia per las viafiers

Las viafiers en Svizra tutgan tar in dals pli gronds consumaders da forza electrica. Per meglierar l’effizienza da las locomotivas e per segirar la finanziaziun tras il chaschunader, duain quellas en l’avegnir vegnir equipadas cun apparats per mesirar il consum d’energia.

In tren da la BLS davant in pitschen vitg.
Legenda: Dapli effizienza d'energia per locomotivas. Keystone

Cun ils pretschs da trassé na dettia strusch pli stimuls per dapli effizienza d'energia tar la viafier. Quai resulta d'in rapport da la controlla da finanzas federala. En l'avegnir duain perquai las locomotivas vegnir equipadas cun apparats per mesirar l'energia.

Las interpresas da viafier svizras fetschian bler per augmentar l'effizienza d'energia. Tar il sistem dals pretschs da trassé dettia anc potenzial, scriva la controlla da finanzas. Cun il pretsch da trassé indemniseschan las viafiers la las Viafiers federalas svizras (SBB) che metta a disposiziun l'infrastructura – quai per in temp definì e per charrar lasura cun ina tscherta cumposiziun da tren. Cun quest sistem funcziunia la finanziaziun tras il chaschunader però sulettamain per part.

RR novitads 07:00