Siglir tar il cuntegn

Header

Navigaziun

Hans Hess (sanester), Pierin Vincenz (dretg).
Legenda: Hans Hess president da Swissmem e Pierin Vinecenz president dal cussegl d'administraziun da Helvetia durnat la conferenza da medias. Keystone
cuntegn

Svizra Dapli dunnas en las direcziuns

L'economia svizra vul dapli dunnas èn ils gremis da la direcziun. Perquai han pliras persunalitads da l’economia lantschà la finamira che fin il 2021 duajan ils concerns gronds en Svizra avair almain ina dunna en il cussegl d’administraziun.

Persunalitads da l'economia enturn il president da la federaziun dals patruns Valentin Vogt e Pierin Vincenz president dal cussegl d’administraziun d’ina gronda assicuranza en Svizra han lantschà pass concrets per augmentar la cumpart da las dunnas en cussegls d'administraziun.

Uschia duain fin il 2021 tut ils 150 pli gronds concerns svizzers sa cumponer d'almain ina dunna en cussegls d’administraziuns cun almain tschintg commembers ed en cussegls d’administraziun cun dapli che tschintg commembers da duas dunnas. Era ils concerns han in grond interess ch’ils gremis da direcziun han ina relaziun tranter las schlattainas equilibrada.

Il stadi sto far ses pensum

Perquai cuntanscher las finamiras saja er il stadi dumandà, scrivan ils promoturs. Quai tranter auter cun adattar il sistem da taglia u er cun procurar per ina meglra purschida da tgira per uffants.

Dapi il 2013 è la cumpart da las dunnas en cussegls d'administraziun creschida da 10% sin 16%.

RR novitads 15:00