Dapli dumondas d'asil il november

Il november en vegnidas inoltradas en Svizra radund 5'700 dumondas d’asil. Quai è 941 dumondas dapli che l’october, scriva il secretariat statal per migraziun.

persunas vida maisa

Legenda da maletgs: En cumparegliaziun cun l'Europa è la situaziun en Svizra tenor l'Uffizi per migraziun anc moderada (purtret simbolic). Keystone

Il dumber da las dumondas d’asil da persunas ord l’Afghanistan ed ord Siria èn s’augmentads marcant. Da l'autra vart èn las dumondas da persunas ord l’Eritrea sa sminuidas.

Svilup moderà, cumparegliond cun l'Europa

Sco quai ch'il secretariat statal per migraziun scriva, saja l’augment da las dumondas d’asil en Svizra en cumparegliaziun cun l’Europa moderà. La situaziun restia dentant tendida. A curta vista sajan plirs svilups pussaivels. Prognosas seriusas n'èn uschia betg pussaivlas, scrivan ils responsabels per migraziun da la Confederaziun.

RR novitads 16:00