Siglir tar il cuntegn

Header

Navigaziun

cuntegn

Svizra Dapli dischoccupads en il Grischun

Cuntrari a la quota svizra è il dumber da dischoccupads en il Grischun creschì l'avrigl en cumparegliaziun cun il mars. La fin avrigl eran passa 2500 persunas senza lavur.

Legenda:
Dumber da dischoccupads: Cliccar sin ils onns per activar e deactivar las lingias per cumparegliar la dischoccupaziun da differents onns. Cifras da l'Uffizi d'industria, mastergn e lavur GR (2002-2016; stan 10-10-2016)

Cumpareglià cun il mars è quai in augment da passa 600 persunas ubain +0.6% sin 2,3%. Sco l'Uffizi d'instustria, mastergn e lavur dal Gischun scriva, saja l'augment surtut da contribuir a la fin da la stagiun d'enviern. Uschia è la cumpart da dischoccupads en la gastronomia cun passa 1000 persunas la pli gronda.

Damain dischoccupads en Svizra

Cuntrari a las cifras grischunas eran en l'entira Svizra pli pauc persunas senza lavur l'avrigl cumpareglià cun il mars. La fin d'avrigl eran bunmain 150'000 perunas annunziadas tar il Center regiunal per intermediaziun da lavur (RAV). Cunzunt la dischoccupaziun tar giuvenils è sa sminuida per passa 1000 persunas, quai che munta 5,5% damain giuvenils dischoccupads tranter 15 e 24 onns, scriva il Seco.

En cumparegliaziun cun l’avrigl 2015 è la quota da dischoccupaziun per 0,2% pli auta.

RR novitads 08:00/09:00