Siglir tar il cuntegn
cuntegn

Svizra Dapli dimoras illegalas il 2016

Il Corp da guardias da cunfin svizzer ha registrà l'onn passà 48'838 dimoras illegalas en Svizra.

Corps da guardia da cunfin.
Legenda: Il Corp da guardias da cunfin svizzer ha registrà l'onn passà bunamain 49'000 dimoras illegalas en Svizra. Keystone

Tut en tut èn quai passa 17'000 cas dapli che l'onn 2015. Quai resorta da la statistica annuala da la Guardia da cunfin che l'Administraziun federala da duana ha publitgà. En radund 27'000 cas da las dimoras illegalas èn las persunas vegnidas tramessas ord pajais. Quai èn quatter giadas dapli che l'onn avant.

La statistica mussa dentant betg las persunas mabain ils cas, cunquai che tschertas persunas refusadas emprovan pliras giadas d'entrar en il pajais. Las pli bleras dimoras illegalas èn vegnidas dumbradas ils mais da fanadur ed avust, numnadamain mintgamai passa 7'400.

Il pli bler vegnan persunas da l'Eritrea tschiffadas e tramessas ord pajais. Ma er persunas da pajais da l'Africa dal Vest sco la Guinea , la Gambia e la Nigeria cumparan savens en questa statistica.

RR novitads 14:00