Il Cussegl naziunal ha approvà la proposta dal Cussegl federal da reducir ils custs per canortas cun daners da la Confederaziun. Quai cun 113 cunter 80 vuschs. Uschia suonda il Cussegl naziunal al Cussegl dals chantuns ch’aveva ditg GEA al credit il mars.
Il Cussegl federal vul in credit da stgars 97 milliuns francs per reducir ils custs per canortas durant 5 onns e per adattar la purschida meglier als basegns dals geniturs. La proposta è pronta per la votaziun finala.
Mintga franc che la confederaziun dat per las canortas vegn enavos 2.5-3.5 giadas.
Quai è impurtant da dar quels raps a las canortas dian ils aderents. I dat oravant tut uschè bleras dunnas che han bunas scolaziuns e fissan fitg bunas lavurantas. Sche quellas pon ir a lavurar, lura profitescha l’economia enormamain.
La finanziaziun e chaussa dals chantuns. La confederaziun na duai betg puspè stuair pajar!
Betg puspè dian ils adversaris. Adina puspè haja la confederaziun dat raps per canortas. I na saja betg la lezia dal stadi da dar ils raps. Ils chantuns duessan regular quai.
RR novitads 18:00
