Siglir tar il cuntegn

Svizra Dapli custs per la Confederaziun pervi da la RUAG

La procura publica federala investighescha en connex cun ils custs per il mantegniment d'aviuns militars. Ella ha confermà a l'agentura da novitads SDA in rapport da la gasetta Tages Anzeiger.

Jet da cumbat.
Legenda: Er tar il mantegniment dad aviuns da cumbat haja la Confederaziun pajà memia bler. Keystone

Tenor il rapport survegnia l'interpresa RUAG per mantegnair ils aviuns 200 milliuns francs dal departament da defensiun VBS. Sco la gasetta scriva, saja pussaivel che la RUAG finanzieschia cun daners dal VBS autras parts betg rentablas da fatschenta. La denunzia penala è vegnida inoltrada la fin da l'onn 2016. La procura publica n'investighescha betg direct cunter la RUAG, mabain cunter nunenconuschent, accentuescha ella. La RUAG dementescha tut las reproschas.

RR novitads 09:00