La ASTAG pretenda uss che la Confederaziun intervegnia en chaussa e prendia las mesiras necessarias. Uschia stoppia surtut la chadaina da transport vegnir megliurada tar tut ils pertutgads. Uschia pretenda la ASTAG che las staziuns da distgargiar en la Germania dal Sid vegnian messas sin il medem stgalim sco las staziuns svizras. Quai garantiss ch’il transport dals containers bloccads pudessan vegnir transportads vinavant sin la via en Svizra, scriva la ASTAG. Il pli curius è che la viafier n’haja para nagin plan B en questa situaziun da disturbi, scriva la ASTAG en sia communicaziun a las medias.
Dapi la fin d’emna èn las rodaglias sin il traject da viafier tranter Basilea e Karlsruhe donnegiadas. Las lavurs da reparaziun duran probabel almain duas emnas, scriva la Deutsche Bahn.
RR novitads 10:00