Siglir tar il cuntegn

Svizra Dapli cumpetenzas per persunal da tgira

Il persunal da tgira en Svizra duai survegnir dapli cumpetenzas. La cumissiun da sanadad dal cussegl naziunal propona che las persunas da tgira possian far tscherts scleriments, cussegliaziuns e mesiras da tgira era senza l'ordinaziun d'in medi.

persuna da tgira
Legenda: La posiziun e rolla da persunal da tgira en ospitals vegniss rinforzada tras la midada da lescha. Keystone

La cumissiun ha avert la consultaziun per ina midada da la lescha da l'assicuranza da sanadad. En questa duai il persunal da tgira esser renconuschì sco furnitur da prestaziun. Il cussegl federal duai decider tge prestaziuns che las tgirunzas pon far senza ordinaziun da medi.

La posiziun e rolla da persunal da tgira en ospitals vegniss rinforzada tras la midada da lescha, furnitur da prestaziuns restass dentant l’ospital. Cun las novas mesiras duai era la clamada da tgira vegnir pli attractiva.

RR novitads 12:00