Siglir tar il cuntegn
Inhalt

Svizra Dapli che mo Word ed Excel en gimnasis svizzers

Ils recturs da gimnasis svizzers vulan introcucir in rom d’informatica en ils gimnasis. La Svizra saja davos en quai che pertutgia la digitalisaziun da l’instrucziun sin il gimnasi.

Ina scolara davant in computer.
Legenda: Ils gimnasiasts svizzers duaian en l'avegnir avair quatter lecziuns d'informatica per emna. Keystone

La Svizra è davos en quai che pertutga la digitalisaziun da l'instrucziun sin il gimnasi. I saja perquai nairas uras ch'i vegnia stgaffì in agen rom d'informatica. Quai ha ditg il president dals recturs dals gimnasis, Marc König, envers la «Luzerner Zeitung» ed il «St. Galler Tagblatt».

Il mument vegnian ils scolars be instruids a moda integrada, vul dir Excel durant l'ura da matematica u Word en l'ura da tudestg. Auters pajais sajan qua gia bler pli lunsch.

Anc quest onn duai dar ina consultaziun davart la dumonda sche l'informatica duai daventar in rom obligatoric en ils gimnasis svizzers. Ils recturs pledeschan per 4 uras l'emna.

RR novitads 15:00