Tenor in rapport da la Scol'auta professiunala bernaisa e l'iniziativa da las citads per politica sociala è quai cler sur la media da plirs onns che munta a sut 3%. Da las 14 citads examinadas ha Bienna cun 11,8% la pli auta quota. Uster ha cun 1,6% la pli bassa. A Cuira è la quota cun 3,2% cleramain sut la media da quest onn. Il pli savens vegnan sustegnidas persunas singulas.
Tar chasadas cun uffants è il ristg per agid social pli aut che tar chasadas senza uffants. Il ristg da paupradad s'augmenta per persunas ch'educheschan sulettas. Tar mammas ch'educheschan sulettas sut 25 onns basegnan passa 80% agid social.
In instrument effectiv per cumbatter la paupradad da famiglias sistematicamain èn, tenor il rapport, prestaziuns supplementaras. Quai demussa l'exempel da la citad da Losanna, nua che questa mesira ha effectuà, ch'il dumber da famiglias ch'èn avisadas sin agid social è sa sminuì.
RR novitads 12:00
