Siglir tar il cuntegn
Inhalt

Svizra Dapli budget per Svizra turissem

En la promoziun dal turissem na vegnan il Cussegl dals chantuns ed il Cussegl naziunal betg da s’accordar.

Il logo da Svizra turissem
Legenda: Be cun reclama possia la Svizra cumpensar ils effects dal ferm franc svizzer, ha ditg Stefan Engler. Keystone

Il Cussegl dals chantuns vul auzar il budget da Svizra turissem per bunamain 10 milliuns francs, il Cussegl naziunal vul perencunter restar tar ils 220,5 milliuns francs budgetads.

Tenor il pledader da la cumissiun dal Cussegl dals chantuns dal Grischun, Stefan Engler, saja da restar tar il budget il medem sco da scursanir ils meds per Svizra turissem: 500’000 pernottaziuns giajan uschia a perder en Svizra, ha ditg Engler.

RR novitads 17:00