Dapli abitaziuns vidas

Passa 51’000 abitaziuns en Svizra eran vidas l'entschatta zercladur. Quai èn 1,19% da tut las abitaziuns - u in augment da 12% visavi l'onn passà. Quai resorta d'ina communicaziun da l'Uffizi federal per statistica.

In maun cun clavs.

Legenda da maletgs: En il Grischun è la procentuala cun 1,36% sur la media svizra. Passa 2’200 abitaziuns eran vidas il zercladur passà. Keystone

La procentuala la pli auta d'abitaziuns vidas è vegnida constatada en il chantun Giura cun 2,35%, la pli bassa en il chantun Basilea-Citad cun 0,34%. En 15 chantuns eran dapli che 1% da tut las abitaziuns vidas.

Tenor l’uffizi crescha era il dumber da chasas da famiglias ed abitaziuns novas che restan vidas. Il medem mument datti sin fiera dapli abitaziuns da prender a fit e da cumprar.

RR novitads 11:30