Danovamain terratrembel - Il Vallais na vegn betg a ruaus

• L'epicenter dal terratrembel è stà radund 7 km en il sidost dal pass da Sanetsch.
• Cun donns n'èsi betg da quintar tar in terratrembel da questa fermezza.
• Gia la mesemna hai dà en la medema regiun plirs terratrembels.

Tenor il Servetsch seismologic svizzer SED ha la terra stremblì las 19:35 uras ed è probabel stà da sentir cleramain.

Legenda: Il center dal terratrembel era al pass da Sanetsch MAD

Dapi la notg sin mardi datti en il Vallais in'accumulaziun extraordinaria da terratrembels. Il SED ha registrà passa 100 terratrembels, ils pli ferms quatter cun ina fermezza da 3,0 fin 3,3. L'accumulaziun saja plitost rara di il SED. Ina prognosa davart il proxim decurs na sa laschia dentant betg far.

audio

Per tadlar curt e cumpact

01:05 min, ord Novitads dals 08.11.2019. Maletg: MAD

laschar ir. Durada: 1 minuta 5 Secundas.

Terratrembel er en l'Italia

En l'Italia centrala ha er stremblì la terra. Tenor l'institut naziunal per geofisica e vulcanologia ha il terratrembel gì ina fermezza da 4,4. L'epicenter era 5 km en il sidost da Balsorano en la provinza L'Aquila en ina profunditad da 14 km. Davart donns na datti anc naginas indicaziuns. Il 2009 hai dà a L'Aquila in ferm terratrembel. La reconstrucziun n'è anc betg terminada.

RR novitads 22:00