Siglir tar il cuntegn
Inhalt

Svizra Danovamain en acziun: Sessiun da stad en Chasa federala

La sessiun da stad n’è tradiziunalmain betg uschia intensiva. Enfin ils 16 da zercladur vegn il parlament a s’occupar cun affars da rutina sco il quint dal stadi 2016 e rapports da gestiun, dentant er cun la politica d’energia da l’avegnir.

Bandieras dals chantuns.
Legenda: La sessiun da stad dura quest onn enfin ils 16 da zercladur. Keystone

Il glindesdi e mardi cuntinua il cussegl naziunal cun la politica d’energia da l’avegnir. Tar la lescha federala davart la reconstrucziun e cumplettaziun da la rait electrica tracta il parlament er dad ina spezia da garanzia da cumpra per forza vendida dad ovras idraulicas.

Auters temas èn las prestaziuns supplementaras, la posta, il secret da bancas u en la segund‘ emna la prolungaziun dal servetsch da l’armada svizra Swisscoy en il Kosovo. Vers la fin da la sessiun vegn a discutar il Cussegl dals chantuns la segunda etappa da la strategia d’energia 2050 – quella ch’il Cussegl naziunal ha gia laschà ir da l’aua giu.

RR actualitad 11:50