Siglir tar il cuntegn

Header

cuntegn

Svizra Daniel Vischer è mort

Quai en la vegliadetgna da 67 onns. El è tranter auter stà 12 onns en il Cussegl naziunal.

A Turitg è mort l'anteriur cusseglier naziunal Daniel Vischer. Il politicher da la Partida verda è mort in di suenter ses 67avel anniversari en consequenza da cancer. La cussegliera dal chantun Turitg, Esther Guyer ha confermà in'annunzia dal Tagesanzeiger.

Passa 30 onns en la politica

Dapi sia giuventetgna ha Vischer ch'è oriund da Basilea fatg politica. Cumenzà sia carriera ha l'advocat a Turitg sco secretari da las Organisaziuns progressivas da la Svizra (POCH).

Il 1983 è el vegnì elegì en il parlament da Turitg. Il 2003 ha el fatg il pass en il Cussegl naziunal nua ch'el è stà fin il 2015.

RR novitads 15:00

Artitgels legids il pli savens