Siglir tar il cuntegn

Svizra Daners da l’armada na duain betg vegnir scursanids

L’armada svizra na duai betg survegnir damain daners l’onn che vegn, er sche la cumpra da novas rachetas per la defensiun cunter aviuns è per il mument sin glatsch. Da quest avis è la cumissiun per la politica da segirezza dal Cussegl naziunal.

Dus pilots da l'armada svizra en il helicopter.
Legenda: A partir dal 2017 vegn il budget da l'armada augumentà sin 5 milliardas francs. Keystone

Ella vul perquai incumbensar il Cussegl federal da tut tenor far pli baud cumpras ch'èn gia previsas. Perquai che las rachetas per la defensiun na pon betg vegnir finanziadas cun il program d’armaziun dal 2017, tema la cumissiun ch’i dettia ina giada dapli credits. Quai munta che l’armada po dar ora damain daners che quai ch’ella ha dabun.

Uschia vegnan ils cumpraders d'armaziun da la Confederaziun dublamain sut squitsch: A partir dal 2017 vegn il budget da l'armada agumentà sin 5 milliardas francs. Il Cussegl federal aveva però gia pliras giadas avertì, ch'i na dettia betg avunda projects per tants daners.

RR novitads 20:00