Siglir tar il cuntegn
Inhalt

Svizra Daner cumplain – pro e contra

Tgi duai avair la pussanza da noss daners? Quella dumonda fa l’iniziativa per il daner cumplain. Duai quai da nov esser mo la Banca naziunala svizra (BNS) u sco fin uss la BNS e las bancas privatas? Nus decidain ils 10 da zercladur.

Tgi duai producir ils daners en Svizra. Ils 10 da zercladur decida la populaziun Svizra.
Legenda: Tgi duai producir ils daners en Svizra? Ils 10 da zercladur decida la populaziun svizra a l'urna. Keystone

Inizitiva per il daner cumplain

Pro
Contra


Ils raps vegnan pli segirs. Era en temps da
crisas da finanzas pon ins ir per ils raps sin il conto.
Ils uschenumnads «bankruns» pon vegnir evitads.



Il sistem dad oz funcziuna e vegn adina puspè
adattà. Daco far in experiment che nagin na po betg
dir co quel finescha?


La BNS fa dapli gudogn che tutga la finala al
pievel e duai era vegnir scumpartì a Svizzers e Svizras.



Bancas privatas pon mo pli dar credits cun raps ch'èn
segirads. Uschè vegni pli grev da prender si in credit.


Bancas privatas na pon betg pli crear raps electronics
e s’enritgir cun quels.



Sulettamain la BNS po decider quants raps ch'èn sin
il martgà. La pussanza fiss uschia tar paucas persunas.



La Svizra pudess esser pioniera cun in nov sistem da
finanzas.



La Svizra fiss l'emprim pajais cun in tal sistem. Nagin
auter sin il mund ha in sistem da daner cumplain.

Tge vul l'iniziativa?

l’iniziativa vul che sulettamain la Banca naziunala svizra po crear daners. Tar las bancnotas e la munaida è quai gia oz il cas, però betg tar daners virtuals. Mintga banca po producir tals. Ozendi sajan 90% da tut ils daners en circulaziun daners virtuals. Ils iniziants vulan che bancas possian mo pli dar credits cun raps che existan propi e che la banca naziunala producescha. Uschè ha quella era la controlla da tut ils raps ch'èn en circulaziun. Il sistem da finanzas duai vegnir pli stabil cun l’iniziativa. Il Parlament ed il Cussegl federal refusan l’iniziativa.

RR actualitad 08:00