Il Cussegl naziunal ha decis fitg stretg cun 92 encunter 89 vuschs da scriver la tariffa speziala da 3,8% en la Constituziun. Che l’hotellaria ha plirs problems n’era betg dispitaivel en il Cussegl naziunal. La branscha pateschia da las midadas da structura e dal ferm franc, argumentescha la pledadra da la cumissiun predeliberanta Daniela Schneeberger.
Cussegliers naziunals grischuns per la midada
La cussegliera naziunala grischuna Magdalena Martullo ha fatg attent ch’il dumber d’osps or da l'exteriur è sa reducì ils ultims onns. Ed era Duri Campell (PBD) è s’exprimì en favur da la decisiun ch’il turissem vegn mess en dumonda mintga tschintg onns. Perquai dovria quai segirtad giuridica e da planisaziun, argumentescha Campell.
A la Confederaziun van a perder radund 200 milliuns francs
Instradà la midada aveva il cusseglier naziunal da Dominique de Buman (PCD/FR). El ha inoltrà avant dus onns l'iniziativa parlamentara da scriver la tariffa speziala en la lescha. Alla Confederaziun van a perder uschia mintg'onn radund 200 milliuns francs. La fatschenta va uss enavos en il Cussegl dals chantuns
RR novitads 11:00