En la branscha da construcziun svizra èn las svieutas tschessadas il terz quartal per passa 12% visavi l'onn passà. Pertutgà il pli fitg saja la construcziun d'abitaziuns, communitgescha la Societad svizra dals impressaris constructurs (SSIC). Gia ils mais avant eran las svieutas tschessadas.
Per ils proxims quartals quinta l'uniun dals impressaris cun ina stabilisaziun.
Il bass nivel da tschains ed il creschament constant da la populaziun sco facturs fundamentals per l'economia da construcziun sajan anc adina intact, malgrà in ambient general difficil.